((     وار سنین    ))

 خماردی گوزلرین جانیم آلارسان               هر باخاندا مین بلایه  سالارسان

 باخیشینلا   وارلیغیمی  تالارسان            غمیم  ایچره عجب حالین وار سنین

                               *********************

 سن صوناسان من خیالا باتمیشام          وار - یوخومو  بو دونیادا ساتمیشام

 اورکده ن   اویاغام دئمه یاتمیشام             عجب تاما شالی  خالین وار سنین

                           **********************  

 حیاتین یولاری   آجیدیر  -  آجی                  گونئی وار سره سی وار یاماجی

 ملک سن گوزومده  محبت   آجی                حدده ن آرتیق  قیل و قالین وار سنین

                         ***********************

 زولفوه  بند اولوب دارا دوشموشم                  بورانا غرق اولوب  قارا دوشموشم

 (حسرتم) هیجرینده هارا !؟دوشموشم             پوسته دوداغیندا بالین وار    سنین      

                             *********************           

یا آجی یا شیرین سوزو نیعنیرم

آلیشیب یانیرام اودسوز اوجاقسیز

اوزوم بیر آلو وام کوزو نیعنیرم

********************

طالیعیم کم باخدی سارالدی باغلار

سینمه چکیلیب دوگونلو داغلار

بیر حالا دوشموشم گورنلر آغلار

یارام گوز  گوز  اولوب گوزو نیعنیرم

**********************        ( ستار گلمحمدی)

 عاشیق گلنده سوزه

سیملی ساز گره ک دوزه

سنکی کوسوب گیتمی شیدین

نیجه  باخاخ  اوز اوزه

میکائیل آزافلی دان//

آرزوسونسوز عومور یاری

آرتدی آلین قیریشلاری

سنده انصاف اولسون باری

آغارما ساچیم آغارما !!!

    *********

عومورکئچیر یامان کئچیر.

قلبینده ن قارا قان کئچیر.

داها ! گوزه للر یان کئچیر.

آغارما ساچیم آغارما !!!

*************

داشدیرقلبین - داشدیر جانین

یوخدور دویغون یوخدور قانین

هله گنج م سن وجدانین..

آغارماساچیم آغارما !!!